Jardas, Kastavština, 1957

„Saki muški, star i mlad, nosil je na desnen uhe raćin morac. Potleje su mladići nosili zlatu zvezdicu. Okol teh raćini špotali su se Merikani, to ki su se vrnuli z Meriki. Ontrat je lišto nestalo teh raćini. Tamo 1900. leta nosil je raćin još lih ki tr ki starac, a ovako neki bogateji nosil je dva morca na jenen uhe. Judi, ki su po svete bili, nosili su uru na kordune prek vrata pak va žepiće od šutani. Potleje su nosili uru na srebrneh ale zlateh kadinah.“

„Za vraton su nosile ženske črjeni koral, pod vratom zlate puntape, a na ušijah raćini morci. Neka bogateja imela j' alustrin za vraton se do pasa.”